Халықаралық стандарттар бойынша

Шығыс Қазақстанда теміржол станцияларын абаттандыру жоспарлануда.

ШҚО кәсіпкерлік және индустриялық-инновациялық даму басқармасы басшысының орынбасары Марат Қабақов туристік логистиканы дамыту жоспарлары туралы айтып берді.

— Біздің туристік аймақтарымыз олардың болжамды дамуын ескере отырып, қажетті инфрақұрылыммен қамтамасыз етілуі қажет, — деп атап өтті шенеунік. — Өздеріңіз білетіндей, Катонқарағай мен Зайсанда екі әуежай салу, сондай-ақ халықаралық стандарттарға сәйкес теміржол станцияларының аумақтарын абаттандыру жоспарлануда.

Билік өкілдері аталған абаттандырудың нақты мерзімдерін әлі жариялаған жоқ, бірақ бұл жоба саланы дамытудың 2025 жылға арналған жоспарларына енгізілгені белгілі.