ШҚО-да ауқымды сенбілік өтті

Бүгін Өскеменде «Таза Қазақстан» шеңберінде сенбілік өтті. Сенбілік объектілерінің бірі - Ертістің сол жағалауындағы қайыңды тоғай аумағы болды. 

Облыс әкімі Ермек Көшербаев атап өткендей, бұл жердің жолын жаңартудан бастап, серуендеу қайықтары тоқтайтын айлақтарын салумен аяқтап абаттандару қажет.

- Бұл демалыс орны болғандықтан, осы жерде мангал, қоқыс жәшіктерін орнатып, аумақта демалушылардың жүріп-тұруын, қоқыс лақтырып, ластамауын бақылайтын «тазалық патрульдерін» құру қажет, - деді аймақ басшысы.

Сондай-ақ, сенбілікке қатысушылар адамдар құрылыс және тұрмыстық қоқыстарды лақтырып өздерінің қоқыс төгетін орнына айналдырған ҚТҚ полигонына апаратын жолдың бойын да тазартты.

Айта кетейік, осы ауқымды іс-шараға облыстық басқармалар, прокуратура, полиция департаменті және ШҚО әкімі аппаратының өкілдері қатысты.